Veturna 1981-82 og 1982-83 kenndi ég hljóðfræði við Kennaraháskóla Íslands; 16 æfingatíma (4 hópar) á viku fyrra árið, en 12 tíma (3 hópar) það seinna; u.þ.b. 4 vikur hvorn vetur. Á vormisseri 1985 og 1986 kenndi ég einnig við Kennaraháskólann; 4 tíma (í tveim hópum, tvo tíma í hvorum) á viku í 14 vikur. Fyrra árið kenndi ég beygingarfræði, en það seinna hljóðkerfisfræði og beygingarfræði.

Sumarið 1984 kenndi ég á endurmenntunarnámskeiði í íslenskri setningafræði fyrir framhaldsskólakennara. Alls flutti ég 17 fyrirlestra á þessu námskeiði, sem stóð í 5 daga og rúmlega 20 kennarar sóttu.

Sumarið 1993 flutti ég þrjá fyrirlestra á norrænu fræðimannanámskeiði (forskerkurs) sem haldið var í Melbu í Noregi.

Haustið 2000 kenndi ég þrjá fyrirlestra á viku í fjarkennslu á námsbraut í nútímafræðum sem var samstarfsverkefni Háskóla Íslands og Háskólans á Akureyri.

Á árunum 1987 og 1988 kenndi ég auk þess á 7 fjögurra daga (16 tíma) WordPerfect-námskeiðum á vegum Endurmenntunarnefndar Háskólans og Reiknistofnunar (janúar og maí 1987, 4 haustið 1987, febrúar 1988).