Aðstoð við heimildaskráningu á haustmisseri 2014

Ertu að skrifa lokaritgerð á háskólastigi? Þarftu aðstoð við að skrá heimildir? Þarf að lesa yfir tilvísanir og heimildaskrá?

Ég tek að mér að samræma og lesa yfir heimildaskrár verkefna sem og samræma tilvísanir í texta og heimildaskrár. Kerfin sem ég hef aðallega notast við eru APA-kerfið, Chicago-kerfið, MLA-kerfið og OSCOLA-staðallinn. Ég hef mikla reynslu af heimildaskráningu og átti meðal annars þátt í að setja upp leiðbeiningavef ritvers Menntavísindasviðs Háskóla Íslands.

Einnig aðstoða ég nemendur Háskóla Íslandsvið að setja ritgerðir upp í samræmi við fyrirfram skilgreind sniðmát einstakra deilda ásamt öðru sem tilheyrir almennum frágangi.

Endilega hafið samband! Netfangið er helga.birgisdottir.kaaber@gmail.com

Posted in Uncategorized

Ritgerðir á sumarmisseri 2014 – Prófarkalestur og önnur aðstoð

Margir nemendur við Háskóla Íslands skrifa sínar lokaritgerðir á sumarmisseri og skila síðla sumars eða snemma um haust.

Nú í sumar tek ég að mér prófarkalestur og aðstoð við skráningu heimilda og tilvísana. Að auki aðstoða ég nemendur  við að setja ritgerðir upp í samræmi við fyrirfram skilgreind sniðmát einstakra deilda ásamt öðru sem tilheyrir almennum frágangi.

Endilega hafið samband!

helgabi@hi.is
eða
helga.birgisdottir.kaaber@gmail.com

Posted in Háskóli Íslands, Heimildaskráning, Heimildir, Prófarkalestur Tagged , , , , |

Lokaritgerðir, sniðmát og heimildaskrár

Ég tek að mér að aðstoða nemendur að færa lokaritgerðir inn í sniðmát en það eru ýmis atriði sem vilja flækjast fyrir fólki, t.d. blaðsíðutöl, efnisyfirlit, hangandi inndráttur, línuskiptingar og fleira.

Einnig tek ég að mér að skoða heimildaskrár og tilvísanir. Ég er nokkuð sjóuð í  hinum heillandi heimi heimildaskráningar en best kann ég á APA-staðalinn.

Endilega sendið mér tölvupóst á helga.birgisdottir.kaaber@gmail.com.

Posted in Uncategorized

Bókadómar á Spássíunni

spassian_logoTímaritið Spássían er byrjuð að skreyta fyrir jólin og birtir nú reglulega bókadóma fram að jólum. Fjallað er um fullorðinsbækur, barnabækur, unglingabækur, spennusögur, fantasíur – allar mögulegar tegundir bóka og frásagna.

Ég á nokkra dóma á vefnum þeirra – og sífellt bætast fleiri við – en þar eru líka aðrir pennar sem skrifa t.d. um þá frábæru bók Vince Vaughn í skýjnum, Neon-bókina Fólkið frá öndverðu og spennusöguna Áður en ég sofna.  Á vef Spássíunanr er líka fjallað um leikhús og útvarp auk þess sem þar birtast ýmsar greinar.

Posted in Uncategorized Tagged , , , , , |

Prófarkalestur – heimildaskrár – tilvísanir

Vantar þig aðstoð við lokaritgerðina þína?

Ég er byrjuð að taka niður pantanir á prófarkalestri lokaritgerða fyrir ágúst og september. Endilega hafið samband á helga.birgisdottir.kaaber@gmail.com til að fá nánari upplýsingar um þjónustuna og verð.

Prófarkalestur

Ég skoða og lagfæri innslátt, stafsetningu, málfar og uppbyggingu ritsmíða. Þá lít ég á uppsetningu, efnisyfirlit, blaðsíðutöl og allt sem viðkemur útliti ritsmíðanna. Ég get aðstoðað við að setja ritgerðir inn í sniðmát sem deildir háskólanna hafa útbúið fyrir nemendur.

Heimildaskrár og tilvísanir

Ég aðstoða við uppsetningu á heimildaskrám og skráningu tilvísana og hef tileinkað mér öll algengustu kerfin sem notuð eru.

Mesta reynslu hef ég af Chicago-kerfinu, APA-kerfinu og OSCOLA-staðlinum. Einnig hef ég reynslu af að styðjast sérstaklega við bækurnar Gagnfræðakver og Handbók um ritun og frágang.

Ég hef mikla reynslu af heimildaskráningu og átti meðal annars þátt í að setja upp leiðbeiningavef ritvers Menntavísindasviðs Háskóla Íslands.

Hafið endilega samband: helga.birgisdottir.kaaber@gmail.com

 

Posted in Heimildaskráning, Heimildir, Prófarkalestur Tagged , , , , , , , | Prófarkalestur – heimildaskrár – tilvísanir-->

Bleikt og fagurt hefti af Börnum og menningu!

Tímaritið Börn og menning var að koma úr prentun og er, að ég held, komið til allra áskrifenda. Þarna er fullt af skemmtilegum greinum, t.d. um Karíus og Baktus og uppfærslu Þjóðleikhússins á leikriti Egners. Þarna er líka grein um Egner eftir Dagnýju Kristjánsdóttur, barnabókmenntarýni, viðtal og margt fleira skemmtilegt!

Lesið og njótið og ef þið eruð ekki áskrifendur er best að fara beint inn á ibby.is og gerast áskrifandi!

Posted in Uncategorized Bleikt og fagurt hefti af Börnum og menningu!-->

Vorhefti Sögu – tímarits Sögufélagsins

Út er komið vorhefti Sögu – tímarits Sögufélagsins en ég á einmitt ritdóm í því hefti. Tímaritið Saga hóf göngu sína árið 1950 og leggur metnað sinn í að fjalla um nýlega útkomin rit sem tengjast sögu Íslands eða íslenskum fræðaheimi.

Um efni nýja heftisins segir í tilkynningu:

Vorhefti Sögu 2013 er komið út. Meðal efnis  er grein eftir Val Ingimundarson sem fjallar um ásakanir um stríðsglæpi á hendur á Eistanum Evald Mikson, hvernig ráðandi hugmyndafræði og pólitískt vald mótaði viðbrögð Íslendinga við þeim. Þær Sigríður Matthíasdóttir og Þorgerður Einarsdóttir skrifa grein sem ber yfirskriftina „Færar konur“ og fjallar um það hvernig rökin um sérstöðu og jafnræði hafa togast á í umræðu um opinbera þátttöku kvenna frá upphafi þarsíðustu aldar til dagsins í dag. Helgi Þorláksson skrifar um samgöngur í Breiðafirði á fyrri tíð og sýnir hvernig bátaeign og samgöngur á bátum áttu þátt í að gera Breiðafjörð að landrænni og félagslegri einingu þótt pólitísk sameining væri þar ekki fyrir hendi. Þá fjallar Steinunn Kristjánsdóttir  um stöðu fornleifa sem sögulegra heimilda gagnvart ritheimildum og Loftur Guttormsson skrifar um tengsl fræðimennsku og þjóðernisvakningar á 19. öld. Ritdómar skipa ákveðinn sess í Sögu sem endranær og eru þeir flestir óvenju ítarlegir og langir að þessu sinni.

Ritdómurinn minn er að stofninum til fyrirlestur sem ég flutti í vetur í húsnæði ReykjavíkurAkademíunnar og fjallar um dásamelga bók Gunnars F. Guðmundssonar, Pater Jóns Sveinsson.

Posted in Bókmenntir, Tímarit Tagged , , , , | Vorhefti Sögu – tímarits Sögufélagsins-->

Vor- og sumar Spássía

Spássía er komin í bókabúðir og inn um lúgur áskrifenda. Blaðið er feykiáhugavert en kannski eru náfölir og dofnir sombíar ekki beinlínis þema fyrir sumarið. Eða hvað? Blaðið er hnausþykkt og uppfullt af spennandi efni eins og spjall við Braga Ólafsson, viðtal við Katrínu Jakobsdóttur, umfjöllun um uppvakninga og vinsældir þeirra og margt fleira.

Ég skrifaði grein um unglingabækur sem taka á erfiðum málefnum og skrifaði ritdóma um tvær bækur, Úlfshjarta og Kulda.

Posted in Bókmenntir, Unglingabókmenntir Tagged , , , , | Vor- og sumar Spássía-->

19. júní – nokkrum dögum of seint

Tímaritið 19. júní er komið út og kom, eðlilega, út þann 19. júní. Ég var svo heppin að sitja, annað árið í röð, í ritstjórn þess ásamt afskaplega fínu fólki. Um tímaritið segir í fréttatilkynningu:

19. júní er ársrit Kvenréttindafélags Íslands og með elstu tímaritum hér landi, en fyrsti árgangur blaðsins kom út árið 1951. Í rúmlega sextíu ár hafa í tímaritinu birst greinar sem tengjast konum, kvenfrelsi og kvennamenningu. Þessar greinar eru ómetanleg heimild um samfélagssögu síðustu áratuga.

Nú í ár kemur tímaritið út í fyrsta skipti á rafrænu formi og má lesa það hér.

Posted in kvenfrelsi Tagged | 19. júní – nokkrum dögum of seint-->

Uppfærður leiðbeiningavefur

Síðustu vikurnar hef ég, ásamt Sigrúnu Tómasdóttur, unnið að því að uppfæra leiðbeiningavef ritvers Menntavísindasviðs. Upphaflega ófum við og spunnum þennan vef haustið 2012 en tókum hann alveg í gegn núna.

Útlitið er mjög breytt, heilmikið efni hefur bæst við og uppröðun efnis á vefnum hefur sömuleiðis tekið breytingum. Við tökum við ábendingum og athugasemdum á netfangið ritver.menntavisindasvids@gmail.com.

Posted in Háskóli Íslands, Heimildaskráning, Heimildir, Menntavísindasvið, Prófarkalestur, Ritver Tagged , , , , , | Uppfærður leiðbeiningavefur-->