{"id":6733,"date":"2024-08-19T13:26:25","date_gmt":"2024-08-19T13:26:25","guid":{"rendered":"https:\/\/uni.hi.is\/eirikur\/?p=6733"},"modified":"2024-08-19T13:40:30","modified_gmt":"2024-08-19T13:40:30","slug":"lagvoruverdsverslun-lagvoruverslun-lagverdsverslun","status":"publish","type":"post","link":"https:\/\/uni.hi.is\/eirikur\/2024\/08\/19\/lagvoruverdsverslun-lagvoruverslun-lagverdsverslun\/","title":{"rendered":"L\u00e1gv\u00f6ruver\u00f0sverslun, l\u00e1gv\u00f6ruverslun, l\u00e1gver\u00f0sverslun"},"content":{"rendered":"<p>\u00cd tengslum vi\u00f0 opnun verslunarinnar <em>Pr\u00eds<\/em> hafa or\u00f0in <em>l\u00e1gv\u00f6ruver\u00f0sverslun <\/em>og <em>l\u00e1gv\u00f6ruverslun <\/em>enn einu sinni komi\u00f0 til umr\u00e6\u00f0u \u00ed m\u00e1lfarsh\u00f3pum. \u00dea\u00f0 er svo sem ekki fur\u00f0a \u2013 \u00feetta eru st\u00f3rskr\u00edtin or\u00f0. Or\u00f0i\u00f0 <em>l\u00e1gv\u00f6ruverslun <\/em>er ekki a\u00f0 finna \u00ed <em>\u00cdslenskri n\u00fat\u00edmam\u00e1lsor\u00f0ab\u00f3k <\/em>en<em> l\u00e1gv\u00f6ruver\u00f0sverslun <\/em>er \u00fear hins vegar og <a href=\"https:\/\/islenskordabok.arnastofnun.is\/ord\/60904\">sk\u00fdrt<\/a> 'st\u00f3rverslun \u00fear sem v\u00f6ruver\u00f0 er l\u00e1gt en v\u00f6ruframbo\u00f0 takmarka\u00f0 og \u00fej\u00f3nusta ekki mikil'. \u00deri\u00f0ja or\u00f0i\u00f0 af \u00feessum toga er <em>l\u00e1gver\u00f0sverslun<\/em> \u2013 \u00fea\u00f0 er ekki \u00ed almennum or\u00f0ab\u00f3kum en er hins vegar a\u00f0 finna \u00ed <em>Hagfr\u00e6\u00f0ior\u00f0asafni <\/em>\u00ed <em>\u00cd\u00f0or\u00f0abankanum <\/em>\u00ed <a href=\"https:\/\/idordabanki.arnastofnun.is\/faersla\/337280\">merkingunni<\/a> 'discount store'. \u00d6ll \u00feessi or\u00f0 eru \u00e1l\u00edka g\u00f6mul \u00ed m\u00e1linu, fr\u00e1 \u00feeim t\u00edma sem fyrirb\u00e6ri\u00f0 sem \u00feau v\u00edsa til var a\u00f0 ry\u00f0ja s\u00e9r til r\u00fams \u00e1 \u00e1runum upp \u00far 1990.<\/p>\n<p>Margsamsett or\u00f0 eru venjulega myndu\u00f0 \u00feannig a\u00f0 einum og einum or\u00f0hluta \u00ed einu er b\u00e6tt framan e\u00f0a aftan vi\u00f0 or\u00f0 sem fyrir er \u00ed m\u00e1linu \u2013 \u00ed <em>skrifstofub\u00fana\u00f0ur<\/em> er <em>b\u00fana\u00f0ur<\/em> b\u00e6tt vi\u00f0 samsetta or\u00f0i\u00f0 <em>skrifstofa<\/em>, \u00ed <em>s\u00fapueldh\u00fas<\/em> er <em>s\u00fapu<\/em> b\u00e6tt framan vi\u00f0 <em>eldh\u00fas<\/em>, o.s.frv. En hvorki *<em>l\u00e1gv\u00f6ruver\u00f0<\/em> n\u00e9 *<em>l\u00e1gvara<\/em> er til, og ekki heldur *<em>ver\u00f0sverslun<\/em> e\u00f0a *<em>v\u00f6ruver\u00f0sverslun<\/em> \u2013 og svo sem ekki lj\u00f3st hva\u00f0 \u00feessi or\u00f0 g\u00e6tu merkt, ef til v\u00e6ru. Hlutarnir sem <em>l\u00e1gv\u00f6ruverslun<\/em> og <em>l\u00e1gv\u00f6ruver\u00f0sverslun<\/em> vir\u00f0ast vera b\u00fanir til \u00far koma \u00fev\u00ed aldrei fyrir einir og s\u00e9r. Aftur \u00e1 m\u00f3ti er <em>l\u00e1gver\u00f0sverslun <\/em>e\u00f0lileg or\u00f0myndun \u00fev\u00ed a\u00f0 \u00fe\u00f3tt or\u00f0i\u00f0 <em>l\u00e1gver\u00f0 <\/em>s\u00e9 sjaldg\u00e6ft er \u00fea\u00f0 til \u2013 \u201evi\u00f0 h\u00f6fum teki\u00f0 allan reksturinn \u00e1 Miklagar\u00f0i vi\u00f0 Sund og breytt honum \u00ed marka\u00f0 me\u00f0 l\u00e1gver\u00f0\u201c segir t.d. \u00ed <em>Al\u00fe\u00fd\u00f0ubla\u00f0inu <\/em>1992.<\/p>\n<p>\u00der\u00e1tt fyrir \u00feetta er <em>l\u00e1gver\u00f0sverslun <\/em>langsjaldg\u00e6fast af or\u00f0unum \u00feremur \u2013 um \u00fea\u00f0 eru r\u00fam 300 d\u00e6mi \u00ed <em>Risam\u00e1lheildinni<\/em>, r\u00fam 1500 um <em>l\u00e1gv\u00f6ruverslun <\/em>og r\u00fam 2000 um <em>l\u00e1gv\u00f6ruver\u00f0sverslun<\/em>. V\u00edkverji \u00ed <em>Morgunbla\u00f0inu <\/em>hefur margsinnis amast vi\u00f0 \u00feessum or\u00f0um og <a href=\"https:\/\/timarit.is\/page\/4196749?iabr=on#page\/n39\/mode\/1up\/\">sag\u00f0i<\/a> t.d. 2008: \u201eOr\u00f0i\u00f0 l\u00e1gv\u00f6ruver\u00f0 er ekki or\u00f0 heldur or\u00f0skr\u00edpi\u201c og \u201eEf r\u00fdnt er n\u00e1nar \u00ed or\u00f0skr\u00edpi\u00f0 l\u00e1gv\u00f6ruverslun \u00fe\u00e1 m\u00e6tti halda a\u00f0 til v\u00e6ri \u00e1kve\u00f0in v\u00f6rutegund sem k\u00f6llu\u00f0 v\u00e6ri l\u00e1gvara.\u201c \u00cd <em>M\u00e1lfarsbankanum <\/em><a href=\"https:\/\/malfar.arnastofnun.is\/grein\/70912\">segir<\/a>: \u201eBetur fer \u00e1 a\u00f0 segja <strong>sparverslun<\/strong> en \u201el\u00e1gv\u00f6ruver\u00f0sverslun\u201c.\u201c Or\u00f0i\u00f0 <em>Sparverslun <\/em>var nota\u00f0 sem s\u00e9rnafn \u00e1 fyrsta \u00e1ratugi \u00feessarar aldar en \u00e9g finn a\u00f0eins eitt d\u00e6mi um <em>sparverslun <\/em>sem samnafn, \u00ed <em>DV <\/em>2013: \u201eFlest \u00feau sveitarf\u00e9laga sem h\u00e9r eru sko\u00f0u\u00f0 b\u00faa a\u00f0 einni sparverslun e\u00f0a fleiri.\u201c<\/p>\n<p>\u00dea\u00f0 er e\u00f0lilegt a\u00f0 velta \u00fev\u00ed fyrir s\u00e9r hvernig or\u00f0in <em>l\u00e1gv\u00f6ruverslun <\/em>og <em>l\u00e1gv\u00f6ruver\u00f0sverslun <\/em>hafi or\u00f0i\u00f0 til, \u00fevert \u00e1 \u00edslenskar or\u00f0myndunarreglur a\u00f0 \u00fev\u00ed er vir\u00f0ist. \u00de\u00e1 er r\u00e9tt a\u00f0 athuga a\u00f0 \u00fea\u00f0 sem einkennir fyrirb\u00e6ri\u00f0 sem or\u00f0in v\u00edsa til er fernt \u2013 \u00feetta er <em>verslun <\/em>sem selur <em>v\u00f6rur <\/em>\u00e1 <em>ver\u00f0i <\/em>sem er <em>l\u00e1gt<\/em>. Allir \u00feessir merkingar\u00fe\u00e6ttir koma fram \u00ed or\u00f0inu <em>l\u00e1gv\u00f6ruver\u00f0sverslun<\/em> \u00fe\u00f3tt m\u00e1lfr\u00e6\u00f0ileg uppbygging or\u00f0sins s\u00e9 ekki samkv\u00e6mt venjulegum reglum \u2013 en fr\u00e1 sj\u00f3narmi\u00f0i merkingarlegs gagns\u00e6is m\u00e1 halda \u00fev\u00ed fram a\u00f0 \u00feetta s\u00e9 mj\u00f6g gott or\u00f0. Sama gildir um <em>l\u00e1gver\u00f0sverslun <\/em>\u2013 \u00fear vantar a\u00f0 v\u00edsu <em>v\u00f6ru <\/em>en \u00fea\u00f0 segir sig sj\u00e1lft a\u00f0 <em>ver\u00f0 <\/em>hefur \u00fearna merkinguna 'v\u00f6ruver\u00f0'. \u00cd or\u00f0i\u00f0 <em>l\u00e1gv\u00f6ruverslun <\/em>vantar hins vegar merkingar\u00fe\u00e1ttinn <em>ver\u00f0<\/em> sem er eiginlega grundvallaratri\u00f0i.<\/p>\n<p>\u00de\u00f3tt or\u00f0in <em>l\u00e1gv\u00f6ruverslun <\/em>og <em>l\u00e1gv\u00f6ruver\u00f0sverslun<\/em> s\u00e9u \u201e\u00f3r\u00f6kr\u00e9tt\u201c og myndun \u00feeirra ekki \u00ed samr\u00e6mi vi\u00f0 \u00edslenskar or\u00f0myndunarreglur hafa \u00feau unni\u00f0 s\u00e9r sess \u00ed m\u00e1linu og vi\u00f0 vitum \u00f6ll hva\u00f0 \u00feau merkja. \u00d3tal or\u00f0 \u00ed daglegu m\u00e1li okkar eru \u201e\u00f3r\u00f6kr\u00e9tt\u201c ef vi\u00f0 f\u00f6rum a\u00f0 leysa \u00feau upp og greina merkingu einstakra or\u00f0hluta, en \u00fea\u00f0 truflar okkur ekki vegna \u00feess a\u00f0 vi\u00f0 \u00feekkjum \u00feau og skynjum sem heild, og vitum til hvers \u00feau v\u00edsa. Ef \u00feessi or\u00f0 v\u00e6ru a\u00f0 koma upp n\u00fana fyndist m\u00e9r \u00e1st\u00e6\u00f0a til a\u00f0 reyna a\u00f0 finna einhver betri. En \u00feegar or\u00f0 hafa veri\u00f0 notu\u00f0 \u00e1ratugum saman og eru vel \u00feekkt er yfirleitt \u00fe\u00fd\u00f0ingarlaust og jafnvel til b\u00f6lvunar a\u00f0 reyna a\u00f0 losna vi\u00f0 \u00feau. M\u00e9r finnst samt full \u00e1st\u00e6\u00f0a til a\u00f0 halda myndinni <em>l\u00e1gver\u00f0sverslun <\/em>\u00e1 lofti.<\/p>\n","protected":false},"excerpt":{"rendered":"<p>\u00cd tengslum vi\u00f0 opnun verslunarinnar Pr\u00eds hafa or\u00f0in l\u00e1gv\u00f6ruver\u00f0sverslun og l\u00e1gv\u00f6ruverslun enn einu sinni komi\u00f0 til umr\u00e6\u00f0u \u00ed m\u00e1lfarsh\u00f3pum. \u00dea\u00f0 er svo sem ekki fur\u00f0a \u2013 \u00feetta eru st\u00f3rskr\u00edtin or\u00f0. Or\u00f0i\u00f0 l\u00e1gv\u00f6ruverslun er ekki a\u00f0 finna \u00ed \u00cdslenskri n\u00fat\u00edmam\u00e1lsor\u00f0ab\u00f3k en l\u00e1gv\u00f6ruver\u00f0sverslun er \u00fear hins vegar og sk\u00fdrt 'st\u00f3rverslun \u00fear sem v\u00f6ruver\u00f0 er l\u00e1gt en v\u00f6ruframbo\u00f0 [&hellip;]<\/p>\n","protected":false},"author":141,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[158635],"tags":[],"class_list":["post-6733","post","type-post","status-publish","format-standard","hentry","category-malfar"],"_links":{"self":[{"href":"https:\/\/uni.hi.is\/eirikur\/wp-json\/wp\/v2\/posts\/6733","targetHints":{"allow":["GET"]}}],"collection":[{"href":"https:\/\/uni.hi.is\/eirikur\/wp-json\/wp\/v2\/posts"}],"about":[{"href":"https:\/\/uni.hi.is\/eirikur\/wp-json\/wp\/v2\/types\/post"}],"author":[{"embeddable":true,"href":"https:\/\/uni.hi.is\/eirikur\/wp-json\/wp\/v2\/users\/141"}],"replies":[{"embeddable":true,"href":"https:\/\/uni.hi.is\/eirikur\/wp-json\/wp\/v2\/comments?post=6733"}],"version-history":[{"count":3,"href":"https:\/\/uni.hi.is\/eirikur\/wp-json\/wp\/v2\/posts\/6733\/revisions"}],"predecessor-version":[{"id":6736,"href":"https:\/\/uni.hi.is\/eirikur\/wp-json\/wp\/v2\/posts\/6733\/revisions\/6736"}],"wp:attachment":[{"href":"https:\/\/uni.hi.is\/eirikur\/wp-json\/wp\/v2\/media?parent=6733"}],"wp:term":[{"taxonomy":"category","embeddable":true,"href":"https:\/\/uni.hi.is\/eirikur\/wp-json\/wp\/v2\/categories?post=6733"},{"taxonomy":"post_tag","embeddable":true,"href":"https:\/\/uni.hi.is\/eirikur\/wp-json\/wp\/v2\/tags?post=6733"}],"curies":[{"name":"wp","href":"https:\/\/api.w.org\/{rel}","templated":true}]}}