Í kjölfar kosningaréttar

Rannsóknarverkefnið Í kjölfar kosningaréttar. Félags- og menningarsöguleg rannsókn á konum sem pólitískum gerendum 1915-2015 fékk styrk úr Rannís árið 2017 en hafði áður fengið undirbúningsstyrk frá EDDU-öndvegissetri.

Við Ragnheiður Kristjánsdóttir prófessor erum stjórendur verkefnisins en ásamt okkur var dr. Þorgerður H. Þorvaldsdóttir sjálfstætt starfandi fræðimaður í ReykjavíkurAkademíunni meðumsækjandi og sérfræðingur í verkefninu. Þorgerður lést 25. júlí 2020. Jafnframt er doktorsrannsókn Hönnu Guðlaugar Guðmundsdóttur sagn- og listfræðings hluti af rannsókninni.

Ýmsir þræðir úr rannsókninni eru í bókinni Konur sem kjósa. Aldarsaga, sem kemur út haustið 2020 en einnig hafa nú þegar komið út nokkrar greinar um rannsóknina. Af því efni sem ég hef birt má nefna grein í Sögu árið 2019: Sögulegir gerendur og aukapersónur. Kyngervi og sagnaritun þjóða(r)“, Saga 57:1 (2019), bls. 53–86 og í Skírni 2018: „Skór Jóns Sigurðssonar. Vangaveltur um kvenhetjur og þjóðhetjur”, Skírnir 192 (vor 2018), bls. 18–33.

Einnig stutta pistla á Hugrás og Vísindavefnum, sem tengjst rannsókninni beint og óbeint.:

„Breyttust réttindi kvenna eitthvað við stofnun lýðveldis á Íslandi?“ Vísindavefurinn, 21. maí 2019. http://visindavefur.is/svar.php?id=77503

„„Þeir létu Fjallkonuna hopa af hólmi“ – lýðveldishátíðin 1944 og veisluskrautið“, Hugrás.Vefrit Hugvísindasviðs, 28. júní, 2018. http://hugras.is/2018/06/letu-fjallkonuna-hopa-af-holmi-lydveldishatidin-1944-og-veisluskrautid/

„Hvaða réttindi höfðu konur á Íslandi árið 1918?“ Vísindavefurinn, 19. mars 2018. http://visindavefur.is/svar.php?id=75249.

„Saumavél eða vélbátur? Smávegis um söguna og ömmur“, Hugrás. Vefrit Hugvísindasviðs Háskóla Íslands. Birt 20. desember 2017, http://hugras.is/2017/12/saumavel-eda-velbatur-smavegis-um-soguna-og-ommur/

Kosningaréttur, kyngervi og gerendahæfni á dagskrá. Þorgerður, Erla Hulda og Ragnheiður í málstofu á ráðstefnu IFRWH, alþjóðasamtaka fræðimanna á sviði kvennasögu, sem haldin var við Simon Fraser University, Vancouver 9.–12. ágúst 2018.