Rannsóknarmiðstöð stefnu og samkeppnishæfni stendur fyrir málstofum og viðburðum um stefnu og samkeppnishæfni, auk þess að leggja lið og taka þátt í ráðstefnum sem samstarfsaðilar standa fyrir.

Á árunum 2015, 2016 og 2017 var fulltrúi Rannsóknarmiðstöðvar stefnu og samkeppnishæfni með innlegg á árlegri ráðstefnu Klasaseturs Íslands. Einnig hefur fulltrúi rannsóknarmiðstöðvarinnar komið að ráðstefnunum Góðir stjórnarhættir - fyrirmyndarfyrirtæki í stjórnarháttum, sem haldnar voru árlega á vegum Rannsóknarmiðstöðvar um stjórnarhætti við Háskóla Íslands 2015-2019.

Rannsóknarmiðstöð stefnu og samkeppnishæfni hefur einnig skipulagt og haldið utan um sérstakar málstofur á bæði Vorráðstefnu Viðskiptafræðistofnunar (2017) og á Þjóðarspegli 2018 og 2019.

Undanfarin ár hefur fulltrúi Rannsóknarmiðstöðvar stefnu og samkeppnishæfni verið í hópi þeirra fræðimanna sem halda utan um EURAM Doctoral Colloquium, þ.e. 2018, 2019 og 2020.

Rannsóknarmiðstöð stefnu og samkeppnishæfni kemur einnig að skipulagningu málstofu um samkeppnishæfni á ráðstefnum EURAM Academy of Management. Næsta ráðstefna er á árinu 2021.

Ráðstefnan Góðir stjórnarhættir - fyrirmyndarfyrirtæki í stjórnarháttum var haldin í Hátíðarsal Háskóla Íslands þ. 11. apríl, 2019. Þema ráðstefnunnar var hæfni og hæfi stjórnarmanna. Frumkvöðull ráðstefnunnar og ráðstefnustjóri var dr. Eyþór Ívar Jónsson, forstöðumaður Rannsóknarmiðstöðvar um stjórnarhætti. Fjölmargir tóku þátt í dagskrá ráðstefnunnar og lokaorðin átti dr. Runólfur Smári Steinþórsson, prófessor, undir yfirskriftinni: Hvað getum við gert betur?

©Kristinn Ingvarsson